Nagparada ang Paralympians nga gikan sa nagkalain-lain nga parte sa kalibutan sa Champs-Elysees sa Paris, France dungan sa opening ceremony karong buntag, August 29 (Manila time.
Nagpadala ang Pilipinas sa pinakadako niining delegasyon sa quadrennial meet sukad kaniadtong 2012 nga adunay unom ka Filipinong atleta nga mag-compete sa upat ka sports.
Lakip sa naninguha nga makasakmit og gold medal ang Para swimmers nga silang Ernie Gawilan og Angel Otom, lakip usab si wheelchair racer Jerrold Mangliwan, para archer Agustina Bantiloc, para javelin thrower Cendy Asusano, og para taekwondo jin Allain Ganapin.
Nasayran nga ang 2024 Paralympics opening ceremony matigayon adlaw nga Miyerkules didto sa Paris apan ning adlawa sa Pilipinas.
Adunay 168 ka national delegation ang mag-compete sa nagkadaiyang events sugod ning adlawa.
