Magsugod na karong semana ang konstruksyon sa ACCESS ROAD gikan sa Jollibee Junction aron maipatuman ang paglimpyo ug pagsemento sa LINED CANAL ug sa access road mismo.
Tungod niini, kasamtangang isarado ang bahin sa dalan, ug ipatuman ang bag-ong Traffic Management Plan aron masiguro ang hapsay ug luwas nga daloy sa trapiko sa lugar.
Sa ilawom sa plano, ang usa ka lane sa underpass padulong sa Hadano, Polomolok, ug Maasim mahimong one-way.
Ang trapiko nga gikan sa Hadano padulong sa dakbayan magpabilin sa taas nga Access Road.Alang sa mga sakyanan gikan sa AUB nga padulong sa Jollibee, lamang kini ang tugutan sa paggamit sa Access Road padulong sa Mabuhay.
Ang U-turn slot duol sa Powerhouse gamiton alang sa mga sakyanan gikan sa Mabuhay padulong sa dakbayan, samtang ang U-turn slot duol sa Honda alang sa mga sakyanan gikan sa AUB nga gustong mobalik.
Gihangyo sa lokal nga gobyerno ang tanan nga motorista ug pedestrian nga magmatngon, magpasensya, ug sundon ang mga traffic signs ug instruksyon sa mga traffic enforcers aron malikayan ang aksidente ug hapsay ang trapiko samtang nagpadayon ang konstruksyon.
