GENERAL SANTOS CITY – Istriktong ipatuman ang “One Stop Shop” system aron mamahimong hapsay ang proseso ug malikayan ang bahad sa coronavirus disease 2019 infection.
Nasuta nga magsugod ning adlawa ang pagproseso sa Business Permit ang Licensing Division(BPLD) sa LGU Gensan sa renewal ug new application sa business pemit sa tanang mga negosyo sa dakbayan.
Matud ni Licensing officer 4 Geraldine Zamora, labaw sa BPLD nga hugot ang ilang gihimong pagpangandam subay sa joint circular sa DILG ug ubang buhatan sa gobyerno aron mapadali ang proseso sa renewal sa karong sitwasyon nga adunay bahad sa virus.
Gibutyag sa maong opisyal nga angayang sundon sa tanan ang mga minimum health protocol kung asa hugot nga ipatuman ang ‘no facemask, no face shield no entry policy at no QR code no transaction.
Nagbutang og mga tents gawas sa investment building og adunay priority number nga ipanghatag.
Sa pamahayag ni Zamora, Nobyembre pa nagsugod og hatag sa Unified Application Form (UAF) ang ilang buhatan kung asa kapin 4K na ang nakakuha kung asa ubay ubay na usab ang nakabayad.
Alayon niini, gianunsyo ni Zamora nga sa ilahang buhatan na kuhaon ang barangay clearance, cedula ug uban pang initial documentary requirements.
