Inihayag ng Office of the Ombudsman na sisiyasatin nito kung bakit hindi naipatupad ang dismissal order laban kay Senador Joel Villanueva noong 2016, kaugnay ng umano’y pagkakasangkot sa pork barrel scam.
Ang utos ng Ombudsman ay nag-ugat sa mga alegasyon ng maling paggamit ng Priority Development Assistance Fund (PDAF) noong siya ay Director General pa ng TESDA.
Sa panahong iyon, si Senador Aquilino “Koko” Pimentel III ang nanunungkulang Senate President.
Sa kabila ng utos ng Ombudsman, nanatili si Villanueva sa puwesto matapos tanggapin ng Senado ang legal na opinyon ng kanilang legal counsel na nagsasabing tanging ang Senado ang may kapangyarihang magparusa sa sarili nitong miyembro.
Ngayon, muling binubusisi ng Ombudsman ang mga hakbang na isinagawa ng Senado at kung may naging paglabag sa proseso ng pagpapatupad ng kanilang desisyon.
