Gibutyag sa bag-ong gitudlo nga Ombudsman nga si Jesus Crispin ‘Boying’ Remulla, nga iyang ipahibalo sa publiko ang isyu kalabot sa confidential funds ni Bise Presidente Sara Duterte.
Matod sa bag-ong gitudlo nga Ombudsman Boying Remulla, iya kining tun-an isip bag-ong opisyal sa maong buhatan.
Busa, matod niya nga makig-alayon o makig-coordinate siya sa mga anaa sa posisyon nga maoy nagdumala sa maong report o isyu nga gidala sa buhatan sa Ombudsman.
Kahinumduman nga ang House Committee on Good Governance nisumiter sa ilang committee report ngadto sa Ombudsman batok sa ikaduhang presidente kalabot sa giingong dili hustong paggamit sa pundo sa Department of Education.
Diin ilang girekomendar nga pasakaan og reklamo si Bise Presidente Sara Duterte tungod sa giingong technical malversation, perjury, bribery ug plunder kalabot sa iyang kontrobersyal nga confidential funds.
Subay niini, siya miingon nga ang publiko makadahom nga siya mahimong ‘transparent’ ug ipasiugda ang ‘accountability’.
Iyang gipasalig nga sa iyang pagkatudlo isip Ombudsman, manubag ang mga opisyal dungan sa padayong imbestigasyon sa anomaliya sa flood control projects.
Busa, matod niya, gipaabot nga abli si Remulla sa prayoridad sa buhatan sa pagpangita og mga tubag ug pagpanubag sa mga nalambigit sa isyu sa kurapsyon.
