Gikumpirma sa Office of the Ombudsman nga si Senador Robin Padilla nagsang-at og counter-affidavit sa reklamo nga obstruction of justice batok kaniya.
Gipasabot ni Ombudsman Jesus Crispin Remulla nga ang counter-affidavit sa senador wala natala sa ilang central records system ug gisumite hinuon sa division nga nag-imbestiga sa reklamo batok kaniya.
Kahinumduman nga niadtong Hulyo 17, si Remulla miingon nga si Padilla wala motubag sa summon sa iyang opisina nga magsang-at og counter-affidavit sa complaint-affidavit nga gisang-at batok kaniya kalabot sa iyang giingong pagtabang kang Senador Ronald “Bato” dela Rosa aron makaikyas gikan sa Senado human sa pagpamusil nga nahitabo sulod sa institusyon niadtong Mayo.
Gihimakak kini sa senador ug giklaro atol sa impeachment trial ni Bise Presidente Sara Duterte nga nagsang-at siya sa iyang counter-affidavit niadtong Hulyo 9.
