Nipasalig ang kasamtangang Kalihim sa Departamento sa Hustisya, nga si Jesus Crispin Remulla, nga dili gamiton nga ‘political weapon’ ang Office of the Ombudsman.
Sa dihang gipangutana kini sa Bombo Radyo, ang maong Kalihim nagkanayon nga siguruhon niini nga dili gamiton ang posisyon sa Ombudsman batok o batok sa mga isyu sa politika.
Gipasalig usab niya nga kon matudlo siya sa maong posisyon luwas sa ‘political harassment’ ang iyang buhatan tungod kay patas siya isip Ombudsman.
Gipasabot usab sa maong Kalihim nga sakto ug tukma ang iyang paghatag og ‘clearance’ alang sa pagdakop ug pagbalhin kang kanhi Presidente Rodrigo Roa Duterte ngadto sa International Criminal Court.
Si Justice Secretary Remulla niinsistir nga dunay igong basehanan ang pagpatuman sa pagbalhin sa kanhi presidente sa The Hague, Netherlands.
Buot niyang hatagan og pagtagad ang reklamo kalabot sa giingong peke nga notices ug subpoenas nga nikatap.
Matod niya nga sa dakbayan sa Olangapo ilabina. dunay mga prosecutor nga giingong nalambigit sa ‘falsified documents’ nga sila si Deputy City Prosecutor Ria Nina Sususco ug Associate City Prosecutor Lilia Hinanay-Escusa.
Matod niya nga naggumikan kini sa peke nga kaso nga gipasaka batok kang Simon Su nga may kalambigitan sa rape ug serious illegal detention gamit ang peke nga pangalan ug pirma.
