GENERAL SANTOS CITY – Nag-imbestiga na ang Office the Municipal Agriculture sa Malungon Sarangani kalabut ang reklamo sa mga myembro sa SAVESEGROW batuk sa ilang mga opisyal.
Kini human gikumprima ni Mayor Tessa Constantino nga nakaabut kaniya ang reklamo human mitug-an ang pipila ka Board of Director sa sitwasyon sa ilang kooperatiba.
Gumikan matud pa sa maong problema namahawa ang uban nga empliyado ug mibalhin sa munisipyo.
Giangkon usab ni Constantino nga nakahimamat kaniadtong adlaw nga martes ang mga opisyal sa East West Seeds sa pagpanguna ni Jay Lopez ang General Manager ug giistoryahan ang sistema nga gipatuman sa mga mag-uuma.
Ang imbestigasyon sa OMAG ang tubag sa LGu Malungon aron masuta ang problema ug mapangitaan ug solosyon bisan ug wala nay labot dinhi ang LGU Malungon
Ang SAVESEGROW nagapalit sa mga ma harvest nga semelya gikan sa mga myembro nga nagtanum ug sari-sari nga gulay sama sa pipino, patola ug daghan pa.
Nasuta nga ang panginabuhi-an sa mga mag-uuma ang kalabutan sa pagtanum ug mga gulay pinasibu sa programa nga food basket sa munisipyo.
