-- ADVERTISEMENT --
Gipildi sa Oklahoma City Thunder ang Denver Nuggets 125-93 sa Game 7 sa Western Conference Semifinals.
Sa pagsugod pa lang sa dula, nahimong agresibo ang OKC.
Wala gipakauwawan sa OKC ang ilang mga fans sa ilang kaugalingong court.
Gipangulohan ni Shai Gilgeous-Alexander ang kadaugan sa OKC pinaagi sa iyang 35 puntos, upat ka assists, tulo ka rebounds, tulo ka steals ug usa ka block.
Samtang si Jalen Williams adunay 24 puntos, pito ka assists, lima ka rebounds ug usa ka steal.
-- ADVERTISEMENT --
Gipakita usab sa OKC ang lig-on nga depensa batok ni Nikola Jokić hinungdan nga nalimitahan ang iyang paglihok.
Ang Thunder makigsangka sa Minnesota Timberwolves sa Western Conference Finals, nga sugdan karong Miyerkules.
