Oil price roll back ipatuman ugma, Hulyo 1

Dungan nga ipatuman sa mga kompaniya sa lana ang ilang pagtibhang sa presyo sa mga produktong petrolyo sa Martes, Hulyo 1.

Ang presyo sa gasolina mous-os og P1.40, samtang ang diesel mous-os usab og P1.80, samtang ang kerosene gipaabot nga mous-os og P2.20.

Ang nahisgutang roll back sa presyo sa lana epektibo sugod alas 6:00 sa buntag ugma.

Gipaabot ang pagkunhod sa presyo pagkahuman sa ceasefire tali sa Israel ug Iran, nga hinungdan sa pagkunhod sa presyo sa krudo sa kalibutan.