GENERAL SANTOS CITY -Nagadawat pa og aplikante ang PESO GenSan alang sa Skills Training alang sa mga OFWs.
Matud kang Nurhasan A. Juanday PESO, Supervising Admin Officer ang mahimong benepisyo ang alang sa mga displaced OFWs.
Gibutyag niini nga dawaton ang mga nasampit sa enhancement program nga kung asa ang ilang mga nakat-unan sa gawas pwede nga mapalambo pinaagi sa tabang sa TESDA.
Dugang pa ni Juanday, mupailawom sila sa extensive training sulod sa usa ka bulan, tudloan sila kung unsang pamaagi i-propagate ang skills nga gusto nila nga makat-unan.
Sa mga interesadong mag-apply, kinahanglan nga magwalk-in sa PESO Office og dalhon ang mga kopya sa Birth Certificate og Passport, pagkahuman magfill-up og TESDA form.
Gibanabanaang anaa sa 200 ka aplikante ang target sa programa og first come, first serve basis kini.
Ang General Santos City National Secondary School of Arts and Trades ang gitakda nga institusyon sa programang Skills Training for OFWs.
