GENERAL SANTOS CITY – Human madala sa tambalanan, gisaysay sa 27 anyos nga OFW nga nabiktima lamang sa ilegal recruiter.
Molopyo sa Malungon Sarangani ang biktima nga nakasinate ug problema sa pangisip human gidala sa iyang mga kabanay sa Dr. George Royeca Hospital.
Nagpangalan matud pa ug An-an ang recruiter nga nakabasi didto sa Kauluhan.
Makadaghan matud pa kining gidala sa money lending ug gipapirma ug papeles apan namatikdan nga ang recruiter mao ang mikuha sa kwarta.
Nalarga gayud kini sa nasud Taiwan ug nagtrabaho nga caregiver apan namatay matud pa ang iyang gialagaran hinungdan nga gibalhin sa laing employer.
Gikadugang pa niini nga ginapugos siya pagpainum sa gibantayan niining edaran.
Gikalibug usab niini ang iyang trabaho nga mangotlo ug bulak kung maadlaw apan pagkabii magbantay kini ug edaran nga lalaki.
