GENERAL SANTOS CITY -Padayong gina-monitor sa Philippine Institute of Volcanology and Seismology kon PHIVOLCS ang katapad nga area sa Davao Region nga tinubdan karon sa mga paglinog.
Matud pa kang Ms. Nane Danlag, ang Science research assistant sa PHIVOLCS naka-basi sa dakbayan sa Heneral Santos nga daghan ang nabalaka sa sunod-sunod nga pagtay-og sa bandang Davao Occidental nga gapatay-og usab sa probinsya sa Sarangani, Gensan ug ubang parte sa Mindanao.
Gani, sa linog nga nahitabo kaniadtong Enero 21 sa gabii, nabatyagan pa kini sa pipila ka mga lugar sa isla sa Visayas, sama sa Samar ug Eastern Samar, dili lang sa Mindanao tungod sa gikusgon.
Gibutyag ni Danlag, padayon pa kining ginasubay sa PHIVOLCS apan sa inisyal nilang pagtuon, naay mga offshore fault matud pa ang anaa ilalum sa kadagatan sa mga kasikbit lugar lahos sa munisipyo sa Governor Generoso, Davao Oriental.
Offshore Fault tungod extension kini sa mga fault line sa malang bahin ngadto sa kadagatan.
Nasayran nga gikonsidera ni PHIVOLCS Director Undersecretary Renato Solidum nga major earthquake ang maong pagtay-og sa may Jose Abad Santos, Davao Occidental tungod niabot kini og magnitude 7.1.
Apan gumikan sa gilawmon sa tinubdan sa linog anaa sa 111 kilometers ang kalawmon, wala kini nakatala og dakong damyos.
