GENERAL SANTOS CITY – Naka-blue alert karon ang Office of Civil Defense dinhi sa Region 12.
Kini ang gibutyag ni Jorin Mae Balmediano, tigpamaba sa OCD-12, sa pakighinabi sa Bombo Radyo.
Sumala pa nga kini aron mas mapakusgan ang monitoring sa lugar, hilabi na nga daghan ang mubiyahe, ug mga aktibidad ug mga pagpanagtigom nga mahitabo ug matigayon, sa tibuok probinsya.
Tungod niini, 24/7 silang naka-standby ug nakaandam ug padayon ang monitoring sa tanang local disaster risk eduction and management offices, ug andam nga muresponde kon ugaling may mga kakulian.
Dungan niini, nagpahimangno usab ang nasampit nga opisyal ngadto sa publiko nga mag-amping ug mahimong mabinantayon ug alerto kanunay aron magpabiling luwas ug makalikay sa bisan unsang kakulian samtang nakigduyog ug gatamod sa Semana Santa.
