-- ADVERTISEMENT --
Misaka na sa 26 ang kumpirmadong namatay tungod sa panalasa sa bagyong Inday ug habagat, sumala sa pinakabag-ong datos sa Office of Civil Defense (OCD).
Base sa report sa OCD, napulo sa mga namatay gikan sa Sarangani, pito sa Lanao del Sur, upat sa Davao Occidental, duha matag usa sa Zamboanga Sibugay ug Bukidnon, ug usa sa Iloilo. Kadaghanan sa mga biktima namatay tungod sa pagkalumos ug landslide.
Nagpabilin usab nga missing ang 14 ka tao, samtang siyam ang naangol sa landslide.
Sa pagkakaron, padayon pa ang validation sa mga casualty reports, samtang mikabat na sa kapin usa ka milyon ka mga indibidwal ang naapektuhan sa bagyo ug habagat sa nagkalain-laing bahin sa nasud.
-- ADVERTISEMENT --
