Mangulo ang Office of Civil Defense sa 2nd Quarter Nationwide Simultaneous Earthquake Drill karong Hunyo 19 ning tuiga.
Kalabot niini, gidasig sa ahensya ang publiko sa pagsalmot sa maong aktibidad.
Base sa notice nga gipagawas sa OCD, ang ceremonial pressing of the button gikatakdang ipahigayon sa Dipolog City Sports Complex alas 9 sa buntag.
Ang mga drills nga ipahigayon magpasundayag ug realistic nga mga panghitabo kung adunay dakong linog nga muigo sa Pilipinas.
Apil na niini ang pagtukod ug Regional ug Local Emergency Operations Centers, pagtukod ug Regional Incident Management Team, ug bisan ang Management of the Dead and the Missing.
Aeromedical Rescue ug Vehicle Extrication Collapsed Structure Search and Rescue, ug power restoration ipahigayon usab sa maong ehersisyo.
Kini isip pagpangandam usab sa The Big One nga gikahadlokang moigo sa nasod.
