-- ADVERTISEMENT --
Nag-awhag si Junie Castillo, spokesperson sa Office of Civil Defense (OCD), sa tanang Pilipino nga aktibong mo partisipar sa National Simultaneous Earthquake Drill (NSED) nga pagahimoon karong Huwebes, Hunyo 18, 2026.
Sumala kang Castillo, importante ang maong kalihokan aron mas mapalambo ang kahibalo ug kaandam sa publiko sa higayon nga adunay kusog nga linog o uban pang kalamidad.
Giduso usab sa OCD ang matag panimalay, eskwelahan, opisina ug pribadong establisemento nga praktison ang husto nga mga lakang sa panahon sa linog, ilabina ang “Duck, Cover and Hold” nga pamaagi.
Matod sa ahensya, pinaagi sa regular nga mga earthquake drill, mas andam ang komunidad sa pagpanalipod sa ilang kaugalingon ug sa ilang pamilya panahon sa emerhensiya.
