Gipaklaro ni Office of Civil Defense 12 Regional Director Rodrigo Sosmeña nga padayon ang ilang koordinasyon sa mga disaster office sa matag local government unit o LGU sa pag-atubang sa mga kalamidad ug emerhensiya.
Matud ni Sosmeña, dili man kanunay makita sa field ang mga personnel sa OCD-12 tungod kay nagsalig sila sa disaster offices sa mga munisipalidad ug siyudad alang sa pagkuha ug paghatag sa mga impormasyon gikan sa ground.
Gipasabot niini nga pinaagi sa mga local disaster office, ilang mas paspas nga makuha ang mga update sa kahimtang sa matag lugar, lakip na ang mga apektadong residente ug mga panginahanglanon niini.
Samtang, giingon ni Sosmeña nga usa sa ilang mga buluhaton mao ang pag-coordinate ug pag-disseminate sa tukmang impormasyon ngadto sa publiko ug sa mga concerned agencies aron masiguro ang hapsay nga pagresponde sa panahon sa kalamidad
