Gipahimangnoan ni Office of Civil Defense (OCD) XII Regional Director ug RDRRMC XII Regional Director Rodrigo O. Sosmeña ang publiko nga magpabiling andam tungod sa sunod-sunod nga kalamidad nga nasinati sa rehiyon.
Matod ni Sosmeña, wala pa hingpit nga nakabangon ang daghang komunidad gikan sa epekto sa 7.8 magnitude nga linog nga miigo sa rehiyon, apan gisundan kini sa laing kalamidad sama sa pagbaha sa nagkadaiyang lugar sa Region 12 tungod sa epekto sa Habagat.
Gipasabot niya nga padayon ang koordinasyon sa mga ahensya sa gobyerno aron matabangan ang mga naapektuhan ug mapadali ang pagbangon sa mga komunidad.
Gipasalamatan usab ni Sosmeña ang suporta ug tabang nga padayon nga gihatag sa nasudnong kagamhanan ug ubang ahensya alang sa mga biktima sa kalamidad sa rehiyon.
