Nasubo ang Office of the Civil Defense 10 sa gidangatan sa pamilya sa magtiayong Mario Baclayon ug Ana Tiburcio diin nag-resulta sa trahedya ang pagka-disgrasya sa gisakyan nila nga motorsiklo sa Bubunawan River, Brgy Kapihan, Libona, Bukidnon.
Kini human kompirmaha ni OCD 10 regional director Antonio Sugarol ang kamatayon sa tulo ka anak sa magtiayon kay nahulog sa gisakyang motorsiklo ug naanod sa tubig-baha sa giagian nila nga spillway sa miaging semana.
Miingon si Sugarol nga nakasinati sa pagkawala sa preno ang gimanehong motorsiklo rason nga wala na sila moagi sa iyang kapikas sa hanging bridge apan sa spillway diin natigayon ang pagkahulog sa ilang mga anak.
Na-missing sa pipila ka oras ang ilang mga anak nga nag-edad 4,9 ug 12 ayha nakit-an nga pulos na walay kinabuhi sa dili layo nga lokasyon diin sila nahiagom sa trahedya niadtong Domingo.
Nasayrang padulong unta motambong sa birthday ang mga biktima dihang nahitabo ang disgrasya.
