Nailhan na ang usa ka estudyante nga nakaplagang patay sa kadagatan sa Purok 14, Poblacion, Manticao, Misamis Oriental.
Ang biktima giila sa mga otoridad nga si Chloe Suzene Villaester, 24 anyos, dalaga usa ka 3rd year Nursing student sa St. Michael’s College sa dakbayan sa Iligan ug residente sa sa Kolambugan, Lanao del Norte.
Gibutyag sa imbestigador nga si PMSG Roel Limocon nga nakita ang biktima sa usa ka mananagat nga giilang si Perlan Ramirez nga nag lutaw-lutaw sa dagat nga wala nay kinabuhi.
Nagpatabang ang maong mananagat sa iyang mga kauban ug ilang giguyod ang biktima sa daplin sa dagat ug gidala sa Manticao Provincial Hospital diin opisyal kining gideklara sa attending Physician nga patay na.
Dugang pa nga impormasyon nga ang maong dalagita ang gikaingon nga nagkutlo saiyang kinabuhi kaniadtong Hulyo 10 ning tuiga pinaagi sa pag-ambak sa tulay sa Maria Christina sa Iligan ug ang nasampit ang na missing ug karun lang nakita.
Sa inisyal nga imbestigasyon sa Manticao MPS, walay nakitang foul play ang kamatayon sa biktima ug gitouhan nga kini nalumos human nga niambak matod pa sa tulay sa milabayng adlaw.
Padayon usab ang imbestigasyon sa kapulisan sa hinungdan sa pag hikog sa biktima.
