GENERAL SANTOS CITY – Nasikop ang number 5 most wanted person sa Kiamba, Sarangani Province.
Sumala pa ni Col. Teody Condesa, tigpamaba sa Sarangani Provincial Police Office (SPPO) nga nasikop sa hiniusang operasyon sa kapulisan sa Makilala Police Station ug Kiamba Police Station nasikop si Nestor Paltik Alicana, 55 anyos nga taga Kiamba Sarangani Province.
Ang nahisgutan ang adunay kasong murder kon asa nasikop pinaagi sa warrant of arrest nga giisyu ni Hon. Judge Jose Fulgar sa Branch 47, Regional Trial Court (RTC) sa Alabel, Sarangani Province nga walay girekomenda nga pyansa.
Naaresto ang nahisgutan sa Purok Mahayahay sa Makilala, North Cotabato.
Anaa na sa kostudiya sa Kiamba Police Station ang maong akusado ug gipaabot na lamang ang commitment order.
