GENERAL SANTOS CITY – Gibalik na sa iyang lugar ang number 1 Most wanted person sa Region 4A human masikop miaging adlaw sa hiniusang pwersa sa kapulisan.
Matud kang Lt. Col. Lino Capillan, tigpamaba sa Police Regional Office 12 nga nakiglambigit sa rehiyon ang grupo sa Biñan Laguna ang Criminal Investigation and Detection Group aron dakpon ang suspek nga nagtago sa Midsayap North Cotabato.
Human ang gihimong pakigsabut gilayon nga gipahigayon ang Operation manhunt Charlie ug nasikop ang suspek nga si Mark Anthony Sison Ayub alias Mark Anthony Sison Ayug alias Ricky Sison 37 residente sa Sitio Matamis, Nepa Hi-way Subdivision, Barangay San Vicente, Biñan City, Laguna.
Nahibaw-an nga may lima ka warrant of Arrest sa kasong Murder ug kaso sa bayolasyon sa RA 8294 ug kasong Direct Assault nga giisyu sa lain-laing korte sa Biñan Laguna.
