Gisiguro ni National Security Council (NSC) Spokesperson Jonathan Malaya nga miago sa due process ang tanang mga Chinese nga nasikop sa Pilipinas og giakusahan og pagpangespiya.
Matod kang Malaya, ang tanan sa mga nasikop nga Chinese ang mahatagan ug higayon para ipresenta ang ilang mga depensa sa korte.
Anaa sa korte na matod pa ang kaso sa mga nasampit ug tanan sa mga katungod nila ang girespito sama sa pagbisita sa ilang consular officials, legal representation, og uban pa.
Kini kabahin matod pa sa pag-angkon sa Pilipinas og demokratiko nga pamaagi sa gobyerno dili susama sa komunistang pagdumala sa China.
Kahinumdoman nga sa nauna nga pahayag ni Chinese Foreign Ministry Spokesperson Guo Jiakun gisaway niya ang Pilipinas tungod sa matud pa gihimo-himo lamang ang mga kasong pagpangespiya batok sa mga nadakpan nga Chinese nationals sa mga milabay nga bulan.
