GENERAL SANTOS CITY – Mitahan sa gobyerno ang usa ka sakop sa new Peoples Army nga nag operate sa kabukiran sa South Cotabato .
Atul sa pagkanaug sa nagpangalan ug Funok Magaw Timbang alias Boknoy 33 anyos nga residente sa Barangay Tasiman, Lake Sebu, South Cotabato.
Bitbit niini ang M16 rifle dihang nagsurender sa mga sakop sa 27th Infantry battalion.
Matud sa nahisgutang rebeldi nga gikapoy na sa pagdagan aron dili maapsan sa mga sundalo samtang naa sa kabukiran.
Gibutyag usab niini nga biktima lamang human gisaaran nga hatagan ug pinansyal nga tabang sa NPA ang iyang pamilya.
Atul sa pagsurender ni Boknoy gilayon siyang gipaatubang ngadto kang Brigadier General Roberto Ancan ang commanding General sa 1002nd Brigade.
Gipasidunggan usab ni Major General Noel Clement, Commander sa 10th Infantry Division ang pagkanaug sa nahisgutang rebeldi.
Sa kasamtangan 58 ka mga myembro sa New Peoples Army ang nagsurender bitbit ang ilang high powered Firearms nga gitugyans a otoridad..
