Malampusong nasikop sa Police Regional Office 12 ang usa ka Regional Level Most Wanted Person nga nalista ubos sa PRO 11 kaniadtong Septiyembre 22, 2025, sa Barangay Mabuhay, General Santos City.
Ang dinakpan nga suspek ang giilang si alyas “Elvin,” 45 anyos, minyo, ug residente sa nahisgutang barangay, kinsa gikonsiderang Top 7 Most Wanted Person, Regional Level sa PRO 11.
Nasikop siya sa hiniusang elemento sa Criminal Investigation and Detection Group (CIDG) 12; Regional Highway Patrol Unit (RHPU) 12; Police Station 9, General Santos City Police Office (GSCPO); ug Police Station 9, Davao City Police Office (DCPO), PRO 11.
Ang operasyon gihimo pinaagi sa usa ka Warrant of Arrest for Rape, Sexual Assault, ug duha ka ihap sa paglapas sa Republic Act 7610 (Special Protection of Children Against Child Abuse, Exploitation and Discrimination Act), partikular sa Section 5 (B).
Gidala dayon ang akusado sa CIDG RFU 12 Office alang sa dokumentasyon ug tukmang disposisyon.
