North Korea temporaryong mihunong sa pagpadala og basura sa South Korea

Nakahukom ang North Korea nga hunongon na nila ang pagpadala og mga balloon nga puno sa basura ngadto sa South Korea.

Ang vice-defense minister sa North Korea nga si Kim Kang Il niingon nga temporaryo nilang ihunong ang maong kargamento human sila makapadala og 15 ka tonelada.

Depensa pa niini, nga kini ilahang gihimo isip tubag lang sa gihimo sa South Korea pinaagi sa pagpalupad og mga balloon nga adunay sulod nga anti-North Korea leaflets.

Kahinumduman nga nabalaka ang South Korea sa giingong pagpadala sa basura sa North Korea.