General Santos City | Wala nay angayang pamatud-an pa si Pinoy boxing champion Nonito Donaire Jr. human mapildi sa unification fight kagabie kang Japanese boxer Naoya Inoue.
Kini ang pahayag sa amahan nga si Nonito Dodong Donaire Sr. dihang mahinabi sa Bombo Radyo GenSan kung asa gibutyag niini nga paretiruhon na ang anak tungod sa posebli nga peligro nga posibleng mahiaguman niini sa boksing.
Kagabie human ang engkwentro, gilayon nga gikumusta ni Dodong ang anak kung asa ni-ingon nga okey lang kini og dawat ang kapildihan sa away sa gibansagang ‘The Monster’ sa nasud Japan.
Matud sa boxing coach, daghan matud pa ang nakit-an niining kasaypanan sa anak nga walay maayong posisyon ang lawas, pagbuhi og mga kombinasyon nga kinumo samtang bistado na ni Inoue ang pamatay-kinumo niini. Dugang ni Nonito Sr, wala usab gasumbag ang anak hangtod naigo na lang sa solid punch ni Inoue. Sa round 2, angayang miatras dayon si Donaire human maigo sa kinumo ni Inoue og angayan usab muluhod samtang gina-iphan sa referee aron makapahulay o kaha human maigo gilayon nga gakson ang kalaban aron makakuha og hangin. -Ang pamahayag ni Nonito “Dodong” Donaire Sr”.
