GENERAL SANTOS CITY – Gihingusgan ni Dr. Fidel Peñamante, presidente sa GenSan Medical Society nga nagpabilin nga labing epektibo sa kampanya batok sa COVID 19 ang non- pharmaceutical interventions.
Matud pa kang Dr. Peñamante nga napamatud-an nga kini ang hinungdan nga miubos ang kaso sa COVID 19 sa syudad.
Sa iyang pamahayag nga gamay na lang ang na-admit sa mga ospital kung ang covid ang hisgutan.
Busa padayon ang iyang panawagan sa katawhan nga sundon ang maong patakaran.
Gisogyot usab niini nga angayang tumanon ang physical distancing, pagsul-ob og facemask og faceshield, paghugas sa kamot gamit ang sabon og tubig o kaha mugamit ug alcohol o hand sanitizer gawas nga magpuyo sa balay kung dili mahinungdanon ang adtuan.
Kahibaluan nga unang gibutyag sa mga eksperto nga bisag nabakunahan na ang usa ka tawo batok sa COVID 19 apan magpabilin nga ipatuman ang mga non- pharmaceutical interventions.
