Gihingusgan ni Jong Facurib, administrator sa Bulaong Terminal nga wala pa gipatuman sa mga pampublikong mga sakyanan sa dakbayan ang no vaccination no ride policy.
Kini human nga gisugdan na sa kauluhan ang maong patakaran kagahapong adlawa.
Matud pa ni Facurib nga oras nga makadawat siya og kamanduan hugot niya nga ipatuman. Bisag wala pa ang maong direktiba gipatuman na sa bus company nga Husky ang no vaccination no ride.
Apan sa bahin sa Mindanao Star wala gitugtan nga makasakay ang mga nagpangidaron og 12 anyos paubos og 65 anyos pataas.
Sa bahin sa Yellow Bus walay gipatuman nga no vaccination no ride policy.
Kahibaluan nga daghan ang nagbangi sa maong hisgutanan kung asa gihingusgan sa uban nga supak sa ilang katungod.
Busa ang tambag sa mga wala nabakunahan nga magpuyo na lang sa balay og dili sige og laag.
