Gianunsyo ni National Food Authority Administrator Larry Lacson nga mupalit na ang ahensiya og humay gamit ang kaugalingon sako sa mga mag-uuma.
Kahinumduman nga kaniadto gisaway ni Lacson ang ginahimo sa NFA nga pag-angkon ug kaugalingon niinig sako (NFA sack) og ginahatag una sa mga mag-uuma aron dinhi ibutang ang ilang mga baligya nga humay.
Gibutyag ni Lacson, sugdan na sa NFA ang pagpalit og humay gikan sa mga mag-uuma nga dili na kinahanglan nga ibalhin ang mga giani nga humay sa NFA sack.
Kinahanglan lamang nga bag-o o maayo ang kondisyon sa mga sako nga gamiton sa mga mag-uuma.
Gipaklaro ni Lacson, dako ang madaginot niini sa gobyerno tungod dili na nila kinahanglan pa nga mupalit og kapin 1.3 million ka sako sa humay dalan aron makadaginot ang gobyerno og minilyon ka pesos.
Sa kamatuoran matod pa, karong harvest season pa lamang, mahimong makadaginot ang gobyerno og kapin P17 million pinaagi niini samtag mahimong muabot usab sa P250 million sa musunod nga tuig.
Samtang, ilawom sa bag-ong programa, unahon una nga paliton ang clean og dry palay klarong wet harvest season.
Gipaklaro pa sa opisyal, tubag na usab kini sa hirit sa mga mag-uuma nga kasagarang dugay nga nagahulat matag magbaligya ug humay tungod sa rebagging o pagbalhin sa mga giani nga humay gikan sa ilang kaugalingon ga sako paingon sa sako sa NFA.
