Gipausbaw sa National Food Authority (NFA) ang proseso sa pagsusi sa kalidad sa bugas gikan sa buffer stocks niini sa dili pa kini ibaligya sa publiko pinaagi sa mga tindahan sa Kadiwa.
Sa usa ka press conference, gikumpirma ni NFA Administrator Dr. Larry Lacson niingon nga ang quality control sa ilang ahensya kasagaran naggamit sa gitawag nga inherit system diin matag buwan sila magkuha ug sample sa bugas nga ipaubos sa laboratory analysis ug organoleptic assessment aron masuta kung angayan bang konsumo sa tawo ang bugas.
Sa pagkakaron, aduna silay gidugang nga bag-ong proseso sa quality assessment sa P20 nga bugas, busa gikan niining standard process, moagi kini sa bag-to-bag checking una pa kini i-release ngadto sa Food Terminal Inc.(FTI) nga maoy gitahasan sa pagpamaligya og bugas.
Ang dugang nga proseso subay sa higpit nga mando ni Agriculture Secretary Francisco Tiu Laurel Jr. ug hugot nga direktiba gikan ni Presidente Ferdinand Marcos Jr. nga kinahanglang doblehon pagsusi ug pagsiguro nga maayo ang kalidad sa bugas nga ibaligya ubos sa programa.
Bisan pa niini, gipahimug-atan usab sa Administrator nga bisan pila pa ka layer ang gamiton alang sa pagkontrol sa kalidad sa bugas, dili kini 100% perpekto ug adunay mga problema sa kalidad niini.
Sa laing bahin, gipasalig ni Lacson nga bisan kung adunay mga ginagmay nga isyu sa kalidad sa bugas, kini maagwanta ug walay dakong epekto sa pagkaangay niini sa konsumo sa tawo.
Matod niya nga dawaton usab kini tungod sa bisan unsang industriya, adunay mga spots nga mabiyaan ug dili gyud kini 100% nga walay buling, apan maayo gihapon nga tumong sa NFA nga masiguro nga luwas ug maayo ang kalidad sa P20 nga bugas nga gibaligya sa publiko.
