-- ADVERTISEMENT --
Giaprobahan sa National Food Authority (NFA) Council ang sugyot nga ibaligya ang daan nga bugas sa tag P29 matag kilo.
Giingong bisan paman nga karaan na kini, ang NFA nipasalig nga maayo gihapon ang kalidad sa maong bugas.
Matod ni Agriculture Secretary ug NFA Council Chairperson Francisco Tiu Laurel, Jr., ang maong bugas ibaligya ngadto sa huyang nga sektor pinaagi sa Kadiwa Network.
Ingon man nga mahimong makapahimulos niini ang mga person with disabilities, single parent, senior citizens, ug mga kabus nga pamilya.
Gidugang pa sa opisyal nga matag benepisyaryo makapalit hangtod sa napulo ka kilo sa maong bugas nga gitawag nga ‘rice29’ matag buwan.
-- ADVERTISEMENT --
