ISRAEL- Nagdeklara ang Defense minister ug usa ka bag-ong hugna sa gubat sa samang higayon nga ang ilang mga pwersa magtutok sa amihanan, duol sa utlanan niini sa Lebanon.
Kini human sa duha ka sunodsunod nga pagbuto sa pager ug walkie talkie nga gigamit sa mga sakop sa militanteng grupo nga Hezbollah sa Lebanon adlaw nga Miyerkules nga mipatay sa 22 ka mga tawo ug adunay liboan ka mga indibidwal ang nasamdan.
Ang Israel gipasanginlan sa grupo nga maoy nagpaluyo sa mga pagbuto apan ang Israeli wala mipagawas ug pahayag sa maong akusasyon.
Una niini, ang Hezbollah ug Israel nag-away sulod sa mga dekada apan ang pagbinayloay sa mga pag-atake sa ilang cross-border misamot.
Sukad niadtong Oktubre sa miaging tuig sa dihang miulbo ang gubat sa Gaza human sa usa ka kalit nga pag-atake sa ilang kaalyado nga Hamas batok sa Israel.
