-- ADVERTISEMENT --
GENERAL SANTOS CITY – Padayong giimbestigahan sa Maitum Municipal Police Station ang natigayong pagpamusil-patay kagahapong adlawa sa ilang area of responsibility.
Natigayon kini sa Kalaong, Maitum, Sarangani, kung asa ang biktima giilang si Edwin Tula, 50-anyos, taga-Datu Piang, Maguindanao.
Nakaangkon kini ug mga samad-pinusilan sa lawas nga maoy hinungdan sa iyang kamatayon, human gipusil sa mga suspek gamit ang caliber 45 pistol.
Sa imbestigasyon, igo lang naningil ug utang ang biktima, apan dihang pauli na, giatangan kini sa duha ka mga suspek nga naka-motorsiklo, dayon gipusil, ug paspas nga nanibat bitbit ang cash nga P160,000 gikan sa biktima.
Robbery karon ang ginatan-aw nga motibo sa kapulisan kalabot sa maong krimen.
-- ADVERTISEMENT --
