GENERAL SANTOS CITY-Dead on the spot ang usa babaye human gipusil sa wala mailhing riding in tandem nga suspek alas 7:10 ,Pebrero 04,2025 , atubangan mismo sa iyang tindahan sa Zone 6, Purok Mudia, Barangay Labangal ning dakbayan sa Heneral Santos.
Giila ang biktima nga si Madiha Usman Limblo, 40-anyos, negosyante ug taga Sarrif Aguak Maguindanao ug temporaryo nga nanimuyo sa lugar.
Base sa inisyal nga imbestigasyon sa kapulisan , anaa sa atubangan sa iyahang tindahan ang biktima dihang kalit kini giduol sa mga suspek ug gipusil sa makadagyang higayon nga nag resulta sa iyahang hinanaling kamatayon.
Samtang ang mga wala malhi nga suspek ang paingon sa wala matino nga direksyon .
Sa kasamtangan nagpadayon ang imbestigasyon sa mga otoridad aron nga masuta kung unsa ang motibo sa pagmusil.
