Negosyante mapasalamaton sa malampusong kita sa lechon bisan limitado ang supply

GENSAN – Mapasalamaton ang pipila ka negosyante sa mga lechon hauz sa dakong kita nga ilang nadawat sa wala matapos ang tuig sa 2025.

Gibutyag ni Jun Lapiz, tag-iya og usa ka lechon hauz, nga bisan pa man og limitado ang supply sa baboy ug dili parehas sa kaniadto ang kakusog sa pamalit, nagpadayon gihapon ang mga tawo sa pagpalit og lechon samtang nag-budget sa ilang gasto para sa Pasko ug Bag-ong Tuig.

Hinungdan nga malinawon ug mapasalamaton gihapon silang mga negosyante sa suporta sa publiko ug naglaum nga mulambo pa ang ilang negosyo karung tuig sa 2026.