GENERAL SANTOS CITY – Gihingusgan ni Mayor Vic Paul Salarda sa Alabel, Sarangani Province nga angayang adunay ipresenta nga negatibo nga antigen test resulta sulod sa 24 oras ang usa ka tawo nga muadto sa maong munisipyo.
Matud pa ni Mayor Salarda nga ang tumong niini nga makontrola ang pagdaghan sa kaso sa COVID 19 sa maong lugar nga ning higayona daghan na ang natakdan.
Sa iyang pamahayag nga bisag kadtong magbiseklita ang angayang magdala sa ilang negatibo nga antigen test result.
Sa pamahayag ni Mayor Salarda nga ang mga gatrabaho sa ilang lugar nga taga GenSan ang maoy nakatakod sa virus sa mga naa sa opisina hinungdan nga daghan ang natakdan .
Kahibaluan nga kagahapong adlawa anaa sa 12 ka kaso sa COVId 19 ang natala sa Alabel.
Sa pagkakaron hugot ang contact tracing nga gihimo sa Municipal Health Office aron makontrola ang pagdaghan sa COVID 19.
