Gipangandaman na sa National Commission of Senior Citizens (NCSC) ang pagpatuman sa Republic Act 10868 o mas nailhan nga Centenarians Act of 2016.
Sugod sa Enero 2025, dumalahon sa komisyon ang pagpatuman sa Centenarians Law, ang balaod nga naghatag ug igong benepisyo sa mga tigulang.
Gawas sa karaang Centenarians Law, ang komisyon mangulo sa pagpatuman sa Republic Act 11982 o ang Expanded Centenarians Law.
Ubos sa 2016 Centenarians Law, ang mga senior makadawat og hangtod sa P100,000 nga cash inig-abot nila sa edad nga 100.
Ubos sa Expanded Centenarians Law, ang mga senior nga nag-edad na og 80 anyos hatagan og P10,000 pa nga P10,000 sa edad nga 85, 90, ug 95.
Inig-abot nila sa 100 anyos, makadawat sila og P100,000 nga cash.
Gipaneguro sa ahensya ang hapsay nga transisyon sa pagpatuman sa maong mga balaod nga kasamtangang gipangulohan sa Department of Social Welfare and Development (DSWD).
