Nagpadayon karun ang NBI-SARDO sa ilang imbestigasyon kalabutan sa pagkamissing sa upat ka indibidwal ning dakbayan sa Heneral Santos, human nga wala pa kini masayri sa mga pamilya ug asa na ang mga nasampit ug nabalaka na ang mga kabanay tungod sa wala na makauli ang mga nahisgutang missing.
Kahibaluan nga dunay tulo ka mga tawo ang namissing sa Siyudad samtang usa ka pulis nga taga Sultan Kudarat.
Sumala pa ni Atty. Regner Pineza, ang head agent sa NBI-SARDO nga sa impormasyon nga ilang nahipos, aduna silay mga nakalap nga pipila sa mga na missing ang kumpirmadong buhi ug kauban ang ilang mga pamilya apan kalit rang nawala.
Samtang ang tulo ka mga missing person ang posibleng nalambigit sa ilegal nga droga.
Giklaro usab ni Pineza nga duna na silay lead sa pagkamissing sa 4 ka indibiwal apan wala pay igong validity.
