GENERAL SANTOS CITY – Gikumpirma sa National Bureau of Investigation (NBI) nga nagpahigayon og imbestigasyon sa lain nga investment scam nga basi sa report nag-operate sa maiging bulan sa syudad og sa mga kasikbit nga dapit.
Matud kang Jeffrey Mosqueda, Special Investigator III sa NBI-Sarangani District Office (Sardo), nangalap na ang ilang buhatan og mga ebidensya batuk sa gialegar nga founders og opisyal sa Community Volunteer for Life Improvement (Covli), nga kanhi nakabase sa Barangay City Heights ning syudad.
Gidugang pa ni Mosqueda sa kasamtangan ginaproseso nila ang mga reklamo nga gipasang-at sa nagkadaiyang investors nga nabiktima sa maong grupo.
Sa pahayag sa mga nabiktima nga gisaaran sila sa maong investment scam og 60 percent nga binulan nga interes bugti sa ilang gi-invest nga dakong kantidad sa salapi.
Apan ang operasyon sa maong grupo ang milungtad lamang sa pipila lang ka bulan og wala makahatag ug promisa nga payouts sa mga investors niini kung asa wala na masayran pagkakaron kung asa na nagtaguan ang mga founders niini.
Sa pahayag sa usa ka Malou Ma, usa sa mga gialegar nga founders sa grupo, gibutyag niini nga temporaryo lang nilang gisuspenso ang ilang operasyon sugod sa miaging semana.
Apan wala gibutyag ni Ma nga ang rason niini apan gibutyag lamang nga may gihan-ay lamang sa ilang sistema og ibalik ang salapi sa ilang mga investors.
Basi sa pahayag sa agents/ leaders sa maong grupo nga midangop sa NBI, gikanayon sa mga nasampit nga mukabat sa P10.5 million ang nakolekta sa maong grupo gilkan sa 200 niini ka mga investors.
