NBI giandam na ang kaso batok sa nagbaligya og peke nga sigarilyo

Giandam na sa National Bureau of Investigation ang kaso batok sa daghang mga tawo nga namaligya og mga nakumpiska nga peke nga sigarilyo.

Matod ni NBI Director Jaime Santiago, ang ilang buhatan nagpahigayon og entrapment operations batok sa usa ka indibidwal sa bodega sa Capas, Tarlac.

Ang nasangpit nga bodega gikontrata sa Bureau of Customs nga maoy mosunog sa mga nakumpiska nga ilegal ug peke nga sigarilyo nga gipalusot dinhi sa nasod.

Modus sa mga suspek nga imbes sunogon, gibaligya pa kini sa internet.

Atol sa operasyon nadiskubre ang kapin sa 300,000 ka pakete sa sigarilyo nga nagkantidad og kapin sa P270 million.

Ang mga suspek gikatakdang pasakaan og kaso ubos sa Anti-Agricultural Economic Sabotage Act.