Nipasalig ang National Bureau of Investigation (NBI) nga hugot nilang gibantayan si kanhi Kongresista Arnolfo ‘Arnie’ Teves Jr., kinsa kasamtangang gitanggong sa ilang detention facility sa Muntinlupa City.
Kini maoy gipasalig sa nasangpit nga bureau kalabot sa isyu sa seguridad ug pagmonitor sa nasangpit nga akusado nga nalambigit sa mga seryosong kaso nga naglambigit sa pagpatay.
Ang kasamtangang direktor sa National Bureau of Investigation nga si Retired Judge Jaime B. Santiago nikompirmar nga hugot nilang gibantayan ang kanhi kongresista samtang anaa pa kini sa ilang kustodiya.
Kung ang mga personahe niini gibantayan 24 oras, ang seguridad mahimo lamang nga masiguro aron malikayan ang mga dili maayong butang nga mahimong mahitabo o mahitabo.
Apan bisan pa sa maong mga pagdili, ang maong bureau director nipasalig nga respetuhon niini ang katungod sa natanggong nga kanhi kongresista.
Giingong gimanduan niya ang iyang mga kawani nga protektahan siya ug likayan nga di madisgrasya sulod sa ilang detention facility.
Samtang, nunot sa ‘commitment order’ sa Manila Regional Trial Court Branch 12 nga ibalhin ang kanhi kongresista sa Manila City Jail, hugot nga gipabilin sa iyang kampo ang ilang mosyon nga gisang-at sa korte.
Ang abogado nga si Atty. Ferdinand Topacio niinsistir nga dunay ‘security concern’ o kahadlok alang sa kaluwasan sa kinabuhi sa kanhi kongresista maong supak kuno sila sa mando nga ibalhin siya sa kustodiya.
Busa, ipadayon na usab nila ang ilang ‘motion for reconsideration’ sa korte aron magpabilin sa detention facility sa National Bureau of Investigation sa Muntinlupa City si kanhi Kongresista Arnie Teves Jr.
Ang kanhi kongresista nag-atubang og daghang kaso nga gipasaka sa managlahing korte sa nasud.
Diin nag-atubang siya og kasong illegal possession of explosives, illegal possession of firearms ug uban pa.
Nalambigit usab siya sa kasong pagpatay kay gipasanginlan siya nga ‘mastermind’ sa pagpatay kang kanhi Negros Oriental Governor Roel Degamo.
