Gipahibalo ni NBI Director Melvin Matibag sa nagpadayon nga impeachment trial nga adunay na silang mga persons of interest nga posibleng makatudlo sa tawo nga giingong nakigsulti ni Vice President Sara Duterte aron ipatuman ang pagpatay kang Presidente Ferdinand “Bongbong” Marcos Jr., First Lady Liza Araneta-Marcos, ug kanhi House Speaker Martin Romualdez.
Hinumdoman nga sa pahayag ni VP Duterte, giingon niyang kon adunay mopatay kaniya, ang tawo nga iyang nakaistorya misugot usab nga patyon ang First Couple ug ang kanhi House Speaker.
Sumala ni Matibag, posible nga usa sa maong mga persons of interest mao mismo ang tawo nga nakaistorya sa Bise Presidente.
Apan, mibalibad siya sa pagbutyag sa ilang mga identidad aron mapanalipdan ang mga informant ug dili makompromiso ang nagpadayon nga imbestigasyon.
Ang maong isyu kabahin sa Article IV sa impeachment complaint nga naghisgot sa giingong grave threats ug inciting to sedition.
Una nang giinsistir sa NBI nga ang mga hulga ni Duterte usa ka “serious, active, and continuing threat” nga adunay potensyal nga makahatag og tinuod nga peligro sa nasudnong seguridad.
Sa kinatibuk-an, ang pagpakita sa mga persons of interest nagdugang og gibug-aton sa imbestigasyon sa NBI ug mahimong mahimong mahinungdanong yawe sa pagpatin-aw sa kamatuoran sa mga alegasyon batok kang VP Sara Duterte.
