Migawas na usab ang offensive firepower ni NBA superstar Stephen Curry sa kadaugan sa Golden State Warriors batok sa Oklahoma City Thunder karong adlawa, 127 – 116.
Ang 36-anyos nga si Curry miiskor og 36 puntos, uban ang pito ka assists ug lima ka rebounds sulod sa 36 minutos nga duwa.
Ang bag-ong GS guard nga si De’Anthony Melton miiskor og 19 puntos ug napulo ka rebounds, samtang si Jonathan Kuminga miiskor og 20 puntos gikan sa bench.
Gipahunong sa Warriors ang pagsuway pagbalik ni OKC nga gipangulohan ni All-Star Shai Gilgeous-Alexander.
Sulod sa unang tulo ka quarter, ang GS mipatong sa OKC og 28 ka dagkong puntos ug mitapos sa ikatulong kuwarter sa iskor nga 107 – 79.
Gigukod sa OKC ang dul-an sa 30 puntos nga labaw sa kataposang kwarter ug nakaya niyang putlon kini ngadto sa 5 puntos sa nahabiling mga minuto.
Hinuon, gihumol sa GS ang duha ka mga legends sa Warriors nga sila si Draymond Green ug Stephen Curry aron mahunong na ang pagsuway pagbalik sa Thunder.
Sa pagtapos sa 4th quarter, ang OKC nakahimo og 37 puntos samtang ang Warriors igo lang nakatubag og 20 puntos.
Ang Warriors migamit na usab sa ilang lawom nga opensa ug mihimo og 21 ka 3-pointers sa tibuok duwa.
Sa habig sa OKC, ilang gipahimuslan ang 26 ka fouls nga gipatawag batok sa GS nga miresulta nga nahatagan sila og 26 ka free-throw attempts. 21 niini gisulod sa Thunder.
