Mitaliwan na sa edad nga 86 ang NBA legend nga si Jerry West.
Kini ang gikompirma sa Los Angeles Lakers, diin ang iyang asawa nga si Karen maoy tupad niya dihang miginhawa pa ang Hall of Famer.
Wala na usab hisgoti sa team ang hinungdan sa kamatayon sa NBA legend.
Nagsugod ang propesyonal nga karera sa basketball ni West kaniadtong 1960 diin nahimo siyang numero 2 sa overall draft sa Los Angeles Lakers.
Nag-average siya og 17.6 puntos matag dula isip rookie ug adunay 30.8 puntos matag dula isip usa ka sophomore.
Nagdula siya sa kinatibuk-an nga 14 ka season sa NBA kauban ang Lakers diin matag season nahimo siyang All-Star team ug nakadaog og championship.
Sa 1969 pipila ka tuig sa wala pa ang iyang opisyal nga pagretiro gisagop sa NBA ang iyang modern logo base sa iyang imahe sa hard court.
