Nibalik na sa aksyon ang star sa Boston Celtics nga si Jayson Tatum human sa malampusong pagpaayo sa iyang angol sa Achilles. Sa pinakabag-ong duwa sa Boston, nakabalik na sa korte si Tatum ug nakadula pag-usab uban sa iyang team human sa halos usa ka tuig nga pagpahuway tungod sa injury.
Sumala sa head coach sa Celtics nga si Joe Mazzulla, dako kaayo ang tabang sa pagbalik ni Tatum sa lineup sa team, ilabi na sa iyang all-around performance sa opensa ug depensa. Bisan gikan pa siya sa taas nga panahon sa rehabilitasyon, nakita sa coaching staff ang kahimtang sa iyang lawas ug ang iyang kahandam sa pagtabang sa koponan.
Gipaambit usab ni Mazzulla nga sa ilang pakig-istorya sa wala pa ang duwa, nagpahayag si Tatum nga mibalik na ang iyang kumpiyansa ug kusog sa pagdula human sa iyang pagkaayo.
Karong semanaha usab gisaulog ni Tatum ang iyang ika-28 nga adlawng natawhan, nga nahimong mas espesyal tungod sa iyang pagbalik sa NBA court.
Mahinumduman nga si Tatum naangol sa Game 4 sa Eastern Conference semifinal batok sa New York Knicks, diin napildi ang Celtics ug napugos siya sa taas nga rehabilitasyon.
Sa pagkakaron, ang Boston Celtics adunay 41-21 nga win-loss record sa liga.
