Andam ng magdula sa bag-ong season si 1-time NBA champion Jamal Murray.
Bag-uhay lamang mipirma si Murray og upat ka tuig nga contract extension nga nagkantidad og $207,845,568.
Sa media day sa Nuggets pipila ka semana una ang pagsugod sa bag-ong season, gibutyag sa Denver guard na naka-kondisyon na ang iyang lawas ug panghunahuna alang sa bag-ong season.
Bisag pipila ka higayon siya nga nalimitahan sa pagdula sa miaging season tungod sa injury, kampante si Murray nga makahatag kini og nindot nga dula sa musunod nga season dungan sa padayong pagbansay.
Karon tuiga target gihapon sa team nga makauli og bag-ong kampeonato og andam ang team alang niini.
Karong season, makauban ni Murray sa guard position ang hari sa triple-double nga si Russel Westbrook human sa pagka-trade kaniya sa miaging bulan sa Hulyo.
Matod kang Murray, dako ang matabang ni Murray aron subling makabalik sa ‘championship contention’ ang Nuggets, kauban ang uban pang player sa team.
Ang Nuggets nahimong kampeon sa miaging tuig 2023.
Sa miaging season, wala giswerte ang team nga makapadayon sa Western Conference finals human nga gipildi sa Minnesota Timberwolves.
