Gisaysay sa nakaluwas nga mananagat nga Pilipino nga si Robert Mondoñedo nga gidala palayo matod pa sa wala pa natumbok nga barko nga nakabangga sa ilang bangka ang iyang igsuon nga si Jose Mondoñedo.
Una na nga gireport nga nawala gihapon ang mananagat nga si Jose Mondoñedo human mabangga sa langyaw nga barko ang ilang bangka nga hinungdan sa pagkaunlod niini samtang sila anaa sa kadagatan sa Subic, Zambales kaniadtong Hulyo 3.
Saysay sa mananagat nga si Robert nga nakita niya ang iyang igsuon nga gidala palayo sa langyaw nga barko ug human ang pipila ka minuto dili na niini makit-an ang iyang igsuon.
Gibutyag usab niya nga dili na niya magukod pa ang iyang igsuon tungod sa kakusog ug balud ug sa kalayo niya gikan sa barko.
Una na usab niining gisaysay nga nakaya niya nga maka-survive pinaagi sa paggunit sa ilang payao sa sulod sa tulo ka adlaw una hingpit nga narescue.
Gibutyag usab ni Robert nga gihimo silang baboy ug matag matulog matulog matod pa kini, dili mawala sa iyang hunahuna ang nadangatan nilang mag-igsuon.
Samtang, sumala sa Philippine Coast Guard, galaum gihapon sila nga makita pang buhi ang nawala nga mananagat.
Matud ni Zambales Coast Guard station commander Captain Euphriam Diciano, naga-abiso na sila sa tanan ugaling makita ang nawala nga mananagat.
Narekober na usab sa PCG ang naguba nga bangka kaniadtong adlaw nga Martes.
Padayon usab nga gitumbok sa PCG ang barkong nakabangga sa bangka.
