GENERAL SANTOS CITY – Midangop na sa National Bureau of Investigation ang mga kabanay ni Justine Dave Leonardo nga pipila ka adlaw ng missing.
Ang nahisgutang batan-on ang ulahing nakita Hulyo 29 sa gabii sa Rajah Buayan airbase. Gani nakareport na sa presento ang Inahan niini nga si Dynah Leonardo aron ipatala ang nawala niining anak nga 21 anyos.
Ang ilang mga silingan sa Marang street Barangay Calumpang ang mitabang na pagpangita sa nahisgutang batan-on gamit ang social Media.
Mismong si Gensan City PNP Director Col Joemar Alexis Yap ang nagmando na sa mga sa ginsakpan nga magpahigayon ug imbestigasyon.
Gipakigkitaan na usab sa kapulisan ang mga ginikanan ug mga silingan aron pagkuha ug dugang detalye. Gikadsugang pa sa opisyal nga may mga protocol nga ginahimo mao ang pakiglambigit sa mga radio station nga epektibu nga paagi aron paspas mapakatag ang impormasyon.
Mamahimo usab nga gamiton ang social media apan beripikahon gayud ang mga impormasyon nga makuha.
